ក្នុងព្រឹត្តិការណ៍ប្រកួតកីឡាស៊ីហ្គេម លើកទី ៣២ ឆ្នាំ ២០២៣ ដែលកម្ពុជា ជាម្ចាស់ផ្ទះ ក្រោយពីបានបញ្ចប់ការប្រកួតវិញ្ញាសាបាល់ទាត់បុរសវគ្គផ្ដាច់ព្រ័ត្ររវាងក្រុមជម្រើសជាតិឥណ្ឌូនេស៊ី និង ជម្រើសជាតិថៃ ក្រោមលទ្ធផល ៥ ទល់នឹង ២ ដោយឥណ្ឌូនេស៊ី ទទួលបានចំណាត់ថ្នាក់លេខ ១ នឹងទទួលបានមេដាយមាស ហើយថៃ បានចំណាត់ថ្នាក់លេខ ២ ទទួលបានមេដាយប្រាក់។
យ៉ាងណាមិញ នៅក្នុងការប្រកួតយប់មិញនេះហាក់មានបញ្ហាចម្រូងចម្រាស់មួយចំនួន បណ្ដាលឱ្យមានការខឹង មិនពេញចិត្តរហូតដល់បង្កជម្លោះរវាងក្រុមកីឡាករបម្រុងជម្រើសជាតិថៃ ក្រុមគ្រូបង្វឹកថៃ និង ក្រុមឥណ្ឌូនេស៊ី។ ទន្ទឹមនឹងការមានបញ្ហាបែបនេះរួចហើយ ក្រោយពីអាជ្ញាកណ្ដាលបានផ្លុំកញ្ចែបញ្ចប់ការប្រកួតរួចមក ក៏មានការបង្ហោះវីដេអូមួយបង្ហាញពីទង្វើមិនសមរម្យរបស់កីឡាករបាល់ទាត់ថៃ ដែលបានទាញយកតុក្កតា (Mascot) ពីអ្នកចាំចែកវត្ថុអនុស្សាវរីយកម្ពុជា ហើយក្រោយមកក៏បានគប់វាចេញពីទីលានប្រកួត ជាមួយនឹងមេដាយរបស់ខ្លួន។
ដោយសារតែ ទង្វើដែលបានបង្ហាញក្នុងវីដេអូនេះហើយ ទើបបណ្ដាលឱ្យមហាជនអ្នកនិយមលេងបណ្ដាញសង្គមហ្វេសប៊ុកជាច្រើន បានបង្ហាញការមិនពេញចិត្តចំពោះកីឡាករថៃរូបនេះថា មានអាកប្បកិរិយាមិនសមរម្យ មិនថ្លៃថ្នូរ និង មិនឱ្យតម្លៃដល់ម្ចាស់ផ្ទះ ដោយសារតែការយកតុក្កតា និង មេដាយ ដែលជាវត្ថុអនុស្សាវរីយ៍ រៀបចំឡើងដោយម្ចាស់ផ្ទះគប់ចេញក្រៅទីលានប្រកួត៕
ចង់ដឹងច្បាស់សូមចុចទស្សនាវីដេអូ
